"مجالس القرءان"
Magaca buuga:- "Fadhiyada Quraanka".
Magaca qoraaga:- Fariid al-Ansaarii
Qeybta: Barbaarinta.
Tirade bogaga:- 405bog.
Tarikhda: 25\08\2017.
Kooxda:- "RUWAAD AL-WACYI".
Dhaba
Cilmiyeedka Dhiganaha (Tusaha Buuga).
Buuga fadhiyada Quraanka ee Qoraaga reer maqrib fariid al-ansaarii
wuxuu udhiganyahay laba QEYBOOD ook kala ah:-
Qebta 1aad: Hordhaca Fadhiyada Quraanka.
Qeybta 2aad: Daraaseyn quraan (suurado ka mid ah quraanka).
Taariikh
Nololeedka Qoraaga
Qoraaga dhiganahan kor ku xusan Fariid al-ansaarii wuxa uu ku
dhashay dalka maqrib, gobolka RAASHIDIYAH sanadku marku ahaa 1960, wuxuuna ku
dhintay magaalada ISTANBUL ee dalka turkey 5/nov/2009.
Waxa uu ahaa caalim dhanka diinta ah iyo abwaan hal abuur lahaa, wuxuu
leeyahay dhiganayaal badan oo ku salaysan fikirka islaamka iyo majaaalo diini
ah.
Waxa uu darajada PHD ka qaatay cilmiga "DARAASAAT AL-ISLAAMIYAH"
ee jaamacada MOWLAAYA ISMAACIIL ee magaalada MIKNAAS-MAQRIB.
Waxa uu xubin kaso noqday kana soo shaqeeyey Gudiga waxbarashada Sare
ee dalka maqrib, wuxuuna ugu dambayntii xanuun uu mudo la noolaa ugu dhintay
magaalada ISTANBUL, waxaana maydkiisa loo soo qaaday laguna aasay magaalada MIKNAAS
ee dalka Maqrib.
Gorfenynta
Kitaabka.
Qeybta
1aad.
Qeybta 1aad ee
dhiganaha qoraagu waxa uu kuso bandhigayaa fadliga uu leeyahay kitaabka
quraanka ah, waxa uuna sidoo kale aad ugu dheeraanayaa sharaxaada waxa loo
yaqaan "FADHIYADA QURAANKA" illaa uu akhristaha kitaabka ku
dhex-milmo fadaaga iyo baaxada quraanka, uuna la kulmo macnaha iyo dhadhanka
ugaar ah kalaamka Eebbe weyne.
Isla qeybta koowaad ee kitaabka ayuu qoraagu waxa uu soo bandhigin
laba su'aalood oo aan jawaab ahaan kala maarmin kuwaasoo kala ah:
1. kuma tahay ADIGU..?!!!
2. waa maxay QURAANKU..?!!!
Waa laba su'aalood oo aan jawaab ahaan kala maarmin, waase tan
koowaadoo qofna ma garan-karo naftiisa ilaa uu fahmo macnaha dhabta ah ee
quraanka uuna kalasoo dhexbaxo hawiyadiisa koowaad, taasna waxa daliil u ah,
waxyigii koowaad ee kuso degay NABI MAXAMED –NNKH- waxa uu qeexin qofka waxuu
uu yahay, iyo halka ay kaso ulkumto noloshiisa, ebbe weyne wuxuu dhahay:
("إقرأ باسم ربك الذي خلق*خلق الإنسان
من علق) سورة العلق 1و2.
Marka uu helo qofku barashada naftiisa ayuu akhrinta iyo ku dhaqanka
quraanka ka dhaxlayaa dhaba-toosin wacan oo uu quraanku tusayo wadada saxda ah,
miyaase quraanka lo soo dejiyey illaa inuu ahaado hagaha dadka maahee iyo
xaliyaha dhibaatooyinkooda..!!,
Eebbe weyne wuxu dhahay:-
("إن هذا القرءان يهدي للتي أقوم ويبشر
المومنين الذين ويبشر المؤمنين الذين يعملون الصالحات أن لهم أجرا كبيرا")
(الاسراء 9).
Qoraagu wuxuu xusayaa in fadhiyada Quraanka ay yihiin goobo
waxbarasho oo bulshadu leedahay, taasoo loogu tala-galay in lagu fidiyo aqoonta
quraanka, laguna dhiso quraanka nolosha dadka bini aadamka ah dhan walbay
ahaato, waxuuna bogaadinayaa in hab-dhaqameedka qofka ay noqoto quraanka haday
ahaan laheyd la tacaamulka Naftiisa, Qoyskiisa, Qaraabadiisa amase Bulshaduu ku
dhexnoolyahay.
Fadhiyada quraanku waa goob waxbarasho oo uu asaasay suubanihii NABI
MAXAMED-NNKH- ayna sii joogteyeen saxaabadii rasuulka iyo salafkii saalaxa
ahaaba.
Barxada fadhiyada quraanka, qoraagu waxa uu ku sheegay laba qaybood
oo kala:-
1. Fadhiyada quraanka ee qoyska: waana tan ah in xaafada
dhexdeeda ay aabbaha iyo hooyaduba ka sameeyaan madarso quraan taasoo joogta ah
ayna kaso qayb galayaan guud ahaanba dadka ku nool xaafada.
2. Fadhiyo quraan oo furan: taaso ah midda ay kaso qayb
galayaan guud ahaanba saaxiibada iyo dadka aadka iskugu dhow ayna wada
akhrinayaan quraanka.
Qoraagu waxa uu xusayaa dhowr shuruud oo uu sheegay inay ku
xeeranyihiin fadhiyada Quraanka si ay unoqdaan mid miro dhal leh, waxaana ka
mid ah:-
1. In ujeedada akhrinta loo keli yeelo alle wajigiis.
2. Ilaalinta hab-dhaqanka fadhiga quraanka.
3. Inaan lagasoo dib dhicin waqtiga fadhiga loo balansanyahay aana
lagaso daahin.
4. Ilaalinta qaanuunada akhrinta Quraanka…..
I.W.M.
Ugu dambeyntii sida
ka cad risaalada guud ee kitaabka "FADHIYADA QURAANKA", qoraagu waxa
uu soo gudbinayaa in quraanku noqdo kan kala haga nolosha dadka, uuna ka
dhexmuuqdo hab-dhaqankooda iyo noloshoodoo guud ahaan,
Qeybta 2aad:-
Qeybta labaad
qoraagu wuxuu dul istaagaya sharaxaad macne weyn xambaarsana saarayaa qeybo ka
mid ah suurada quraanka, kuwaasoo kala ah:-
1.
سورة الفاتحة.
2.
سورة الفرقان.
3.
سورة يس.
4.
سورة الحجرات.
Gabagabo:-
Kitaabka siguud wuxuu uso celinayaa
saamayntii uu ku lahaa quraanka maanka bulshada wuxu u ibba furayaa hawlo badan
oo umad waliba ay kusamayso hormar iyo wanaag kaas oo kuxiran kitaabka eebe,
waana dhigane wax badan uhorseedi kara cid waliba oo ku aqrissa lab furan.
Abdirisaaq saciid shire (kabayare)
ليست هناك تعليقات:
إرسال تعليق